logotype

safaripark



        wüd gwordne grosstodthordn, wölzn se seit zwa noch nordn
        mittndrin mei frau und d kinda, gemma papa gschwinda gschwinda
        schrein de gschroppn wäu se hoffn, dass se segn im zoo de offn
        pack eam papa  zah do aun, fohr dem kübl schon dafaun
        steig aufs gas wia da tschim clark, auf zum safaripark

        staub und gase einegschluckt, saund und zanderl aussegschpukt
        noch an klassn hassn spurt, samma leicht faschwitzt a duat
        und mit fest zaumbissne zähnt, homma unsern eintritt brennt
        nau wui bei denan eanre preise, muass aus goid sein d offnscheisse
        trotzdem fohre wia da clark, durch den safaripark

        löwen schnoppn, noch fleischhoppn
        zebras hupfn, gros obzupfn
        a gorilla, frisch vom billa
        beisst an strauss, a springmaus
        springt zum puma, ausn schlumma
        grissn springt der a, auf des nächste zebra
        antilopn beim frühschoppn
        ohne leine, warzenschweine
        krokodü und riesnschlaungan, schimpansn de bananen faungan
        gazölln de üwa autos springan, flamingos heimatliada singan

        elefauntn, saumt vawaundtn taunzn rock
        üwa stan und üwa stock
        do schleichn d autos, spendn gase
        lossn hamlich benzinschase
        de se durch de büsche windn
        kitzln von de bam de rindn
        a tiga hukkt auf ana baunk
        mit an schüdl  lungenkraunk

        a aumsl frisst an regnwurm
        a wärta beisst an offnbuam
        moskitos härt ma nochttäpf suachn
        an steira seinen kropf vafluachn
        beim ausgaung is da bebezoo
        a fülzlaus und a gletscherfloh
        reitn auf an marienkäfer
        laut schnorcht a siebenschläfer
        jappe dappe du  papa schau a gnu

        noch dem gnu gehts nix wia ham, mei frau, i und de kinda
        papa schau duat aum bam, pikkt a ganz a gschwinda
        losstsn pickn wia da clark, fohre ham vom safaripark

        klass wors in da frischn luft, liegn ma amoi in da gruft
        werma von de gase trama, de ma gschlukkt hom mia und d lama
        de wos vor lauter dreck nur schlukkn
        fagessn hom auf d wärta spukkn
        oam san de safariviecha, owa reich wean de safaribücha
        trotzdem fohre wia da clark
        nächste wochn wieda in safaripark

        unter dem motto:
        jedem daktari  seine safari

        text und musik: sigi maron

2016  sigi maron  globbers joomla template